مشكلة آلآتصآلآت آلسعوديه و عذرهم (( تحديثات )) !

السلام عليكم ورحمة الله و بركاته

بسم الله الرحمن الرحيم

اخواني / اخواتي , اعضاء منتدى بلاك بيري العرب

الكثير من يعاني من مشكلة انقطاع خدمة بلاك بيري ماسنجر
من شركة الاتصالات السعوديه
و يكون عذرهم دائماً (( تحديثات ))

ولا ندري وش الموضوع ولا حتى ندري وش هو التحديثات !!؟؟

و انقطاع يستمر لـ 6 ساعات او 8 ساعات

و اذا اتصلنا عليهم نجلس 9 دقائق عشان يردون علينا
و اذا رد الموظف علينا ما يفيدنا بشي نهائياً !!

طيب

ليش فيه شي اسمه ( خدمة العملاء ) اذا ما منها فايده ؟

و ليش التحديثات تفصل عنا الخدمه لـ ساعات ؟

ليش ندفع مبلغ الـ 99 ريال و تفصل عنا بدون اي سبب يدخل المخ ولا يكون فيه تعويض ؟

ليش السيرفر الكندي كان ما يفصل ؟؟

المشكله هذي لازم نحصل لها حل و اذا ما حصلنا حل معناتها ما فينا فايده حتى لأنفسنا

اكيد الكثير منكم راح يقول

( عزيزي لودي بخصوص انك تقول اننا لازم نحصل حل اذا الشركه مو محصله حل

احد فينا هو المحقق كونان مثلاً )

والله الثقه فيكم كبيره و الناس ماهم مثل بعض و العقول تختلف (سبحان الله)
و اكيد لو اجتمعنا و كل شخص يفكر مجرد تفكير في هالمووضوع اكيد راح نطلع بنتيجه ترضينا و نفتك من انفصال الخدمه


و التحديثات على فكره (( على ارقام معينه ومقسمات معينه )

يعني ماهو بشكل عااام على جميع من هم في خدمة بلاك بيري من شركة الاتصالات السعوديه

وكل الشركات فيها عيوب وفيها مشاكل و تتعرض الى مشاكل

ومن المنبر هذا اوجه رساله الى كل من هو مسؤول في شركة الاتصالات السعوديه

1- الرد الالي حفظت كلامه كلها و العروض كلها حفظتها < خلوني احط صوتي يعني
2- مشاكلكم لازم تحصلون لها حل ولا صدقوني راح تخسرون العدد الكبير من عملائكم اللي عطوكم الثقه وهم اللي خلوكم توصلون ما وصلتو له من بعد الله سبحانه
3- اذا ما عندكم مصداقيه ولا عندكم وفاء لـ عملائكم و اكتفيتو بما وصلتو له علمونا عشان نكون على بينه و نكون في الصوره حنا عملائكم ولازم نعرف مصايبكم و مشاكلكم اللي تمرون فيها
4- اعذاركم حفظتها و سوء التعامل معنا خلاص تأقلمنا معه و صار عادي و ميانه بعد

ومضه,,
( ما يحتاج تقولون , خلاص ياخي اشتر لك شريحه من اي شركه ثانيه و انتهاء الموضوع ,,, انا لو ما احب مصلحة الناس و مصلحتي و مصلحتكم ما تكلمت في الموضوع على اساس تصلحون عيوبكم عشان السالفه ما تكبر و تصير مشاكل اكثر فـ تصرفو الان دام الوقت موجود و العملاء موجودين و انا اعلمكم بعيوبكم لاني احب من يعلمني عيوبي و النقد باب النجاح و الرقىء الى الافضل و تكونون شركه منافسه ولها صيتها بالعالم )

شاكر لكم و اسف على الاطاله وباب النقاش للجميع

تقبلو تحياتي